இந்த ராசியில் பிறந்த ஆண்களைத் தான் பெண்களுக்கு மிகவும் பிடிக்கும்.

நாங்களும் நல்ல தான் இருக்கோம் ஆன எங்கள மட்டும் ஒருத்தியும் பார்க்க மாட்றா? என்று சுப்பிரமணியபுரம் சசிகுமாரை போல் கவலை பண்றீங்களா நீங்கள். உங்களுடைய நண்பரிடம் அல்லது உங்களுக்கு தெரிந்த ஒருவரிடமோ எப்பொழுதும் பல பெண்கள் விரும்பி வந்து பேசுவதை பார்த்து அவனுக்கு எங்கயோ மச்சம் இருக்கு என்று நினைப்பவர்களா நீங்கள்.

உங்கள் உடம்பில் மச்சத்தைத் தேடியவரா நீங்கள். இதோ உங்களுக்கான பதில். இதுக்கு எல்லாம் அவங்க பிறந்த ராசி தான் காரணம். ஒவ்வொருவர் பிறக்கும் போதும் அவர்களது ஜென்ம நட்சத்திரம் மற்றும் ராசியை வைத்து அவர்களது முழு வாழ்க்கையும் கணிக்க முடியும் என்கிறது நமது ஜோதிடம்.

வாழ்க்கை என்பது அவர்களுடைய தோற்றம், பேசும் திறன், பழகும் பண்பு போன்றவை. அதில் குறிப்பிட்ட ராசியில் பிறந்த ஆண்கள் அவர்களது அழகான ஆளுமை, நடத்தை, பேசும் பண்புகளின் மூலம் பெண்களை அதிகம் கவரக்கூடியவர்களாம். சரி, அதில் உங்கள் ராசியும் இருக்கிறதா என்று இந்த பதிவில் பார்ப்போம்.

 

இந்த ராசியில் பிறந்த ஆண்கள் கவர்ச்சிகரமானவர்கள்

மிதுனம்: மிதுன ராசியில் பிறந்த ஆண்கள் பார்ப்பதற்கு வசீகரமான தோற்றத்தை கொண்டவர்களாகவும், பெண்களின் கவனத்தை எந்த ஒரு போரட்டமும் இல்லாமல் அவர்களது கடைக்கண் பார்வை மூலமே ஈர்க்கக் கூடியவர்களாகவும் இருப்பார்களாம். இவர்களைச் சுற்றி எப்பொழுதும் அன்பையும், பாசத்தையும், காதலையும் பொழியும் பெண்கள் இருப்பார்களாம். சுருக்கமாக சொல்லவேண்டும் என்றால் காதல் மன்னனாக வலம் வருவார்களாம்.

மேலும் நகைச்சுவை உணர்வு அதிகம் கொண்டவர்களாகவும் , தனது பேச்சத் திறனால் அனைவரையும் கவரக் கூடியவர்களாகவும், பெண்களின் மனதைப் படிக்க தெரிந்தவர்களாகவும் இருப்பார்களாம். இந்தப் பண்புகளினால் பெண்களைக் கவரும் ஆண் ராசிகளின் வரிசையில் இருப்பது மிதுனம்.

சிம்மம்: அடுத்த இடத்தில் இருப்பது சிம்ம ராசி ஆண்கள். மற்றவர்களை புரிந்து நடப்பதிலும், உறவுகளை வலுப்படுத்துவதிலும் இவர்கள் கெட்டிகாரர்களாம். இயற்கையாகவே சிம்ம ராசியில் பிறந்தவர்கள் செல்வாக்கு கொண்டவர்களாவும், அடக்கமானவர்களாவும், இருப்பார்கள்.



இவர்கள் பெண்களிடம் வழிந்து பேசும் போதும் அதுவும் பல பெண்களுக்கு பிடிக்கும் வகையில் அளவாகப் பேசும் திறமை படைத்தவர்களாம். குறிப்பாகப் பெண்களுக்கு ஒரு நல்ல தோழனாக இருக்கக் கூடியவர்கள் இந்த ராசியில் பிறந்தவர்கள். இதைத் தவிர ஒரு லட்சிய பிடிப்புடன் இருக்கும் இவர்களது இயல்பு பெண்களுக்கு மிகவும் பிடிக்குமாம்.

துலாம்: அடுத்த இடத்தில் இருப்பது துலாம் ராசி ஆண்கள். பெண்களுடனான உறவுகளை இவர்கள் மதித்து நடப்பதை பார்த்தே பல பெண்கள் இவர்களை விரும்புவார்களாம். பேச்சு திறமையும் இவர்களுக்குக் கொஞ்சம் அதிகம் தான்.

 

மேலும் இவர்கள் காதலிக்கும் பெண்ணை மற்றவர்கள் பொறாமைப் படும் அளவிற்கு உள்ளங்கையில் வைத்து தாங்குவார்களாம். இவர்களிடம் பேசினால் அனைத்தையும் மறந்து இவர்களது பேச்சுக்கே அடிமையாகி விடுவார்களாம். இதுவே இந்த ராசியைப் பெண்களை கவரும் ராசிகளின் பட்டியலில் இடம் பெற வைத்துள்ளது.